N’te la biblioteca de Sinig gh’è mez paes a scoltar che i conta le storie de sti ani.

Tuto l’è tacà nel 1926, quando i ha avert la fabrica. I la ciamava la fabrica de boaze, perché i faseva na grassa chimica per l campagna.

Ma Sinig la gh’era za da ‘n pez. Za ai tempi del bronzo i avea tirà su un castel de sassi. Dopo, pian pianin, l’è vegnuda fora anca Meran e alora Sinig, che l’era na zona luntana e de palù, l’è deventà un post ‘ndo che i impicava la zent. E de storie su sta roba ghe n’è de tuti i colori.

E cossì i meranesi, quei co la spuza sot el nas, i ha decidest che la fabrica de boaze la avea da vegnir su propi là.

No i savea miga che i sinighesi i averia tirà su anca ‘n bel paes, pien de storie da contar. Propi bravi quei che i ha metù su la mostra e i ha scrit en libro novo. Zoveni e veci, tuti ensema.