Don Primo, l’era apena finida la guera, el gh’aveva avù l’idea de meter su a Meran un grupo de scout. L’era ancora el 1945. No ghe mancava sol qualcossa: ghe mancava propi tut. Per le camise l’ha scrit na letera al comando militar aleà, tant per dir.

N’tel luli 1946, i primi esploradori i partiva per el primo campo a Avelengo.

Quante generazion de meranesi le g’ha imparà, drento al scautismo, el senso dela comunità, del servir, del impegno civico, l’amor per la natura, l’attenzion per i altri, la fadiga del camin, e la alegria de rivar ensema!

2026. Dopo 80 ani, ancoi Meran la festegia i so scout.

I gh’è tuti: dai picoi castorini fin al vecio Marco, un dei primi scout del 1946. Gh’è la sindaca e l don Piergiorgio, che l’è stà el parroco dei scout quarant’ani fa.

Chi che no l’è chi, el sarà n’te le fotografie, da vardar n’te la cesa dei zoveni e se no a sto indirizo: CHI